Private transfer from ohrid to tirana airport

Rifillojnë fluturimet nga Rinasi, me katër destinacione të konfirmuara

Tirana International Airport ka konfirmuar 4 fluturime vajtje-ardhje për ditën e nesërme.

Janë avio-kompanitë  “Wizz Air”, “Air Albania” dhe “Belavia Airline”, që kanë konfirmuar udhëtimet nga aeroporti i Rinasit:

Wizz Air – Fluturimi për në Vjenë dhe kthim

Air Albania – Fluturimi për në Romë dhe kthim

Air Albania – Fluturimi për në Milano dhe kthim

Belavia Airline – Fluturimi për në Bjellorusi dhe kthim

Për nisjet nga Shqipëria, personat që nuk janë pajisur me leje qëndrimi apo pasaportë për në vendet e Bashkimit Europian, nuk do të mund të udhëtojnë ende drejt unionit.

“Ju lutemi pasagjerëve të kontaktojnë kompanitë ajrore përpara çdo udhëtimi. Atyre që udhëtojnë, të respektojnë protokollet e higjenës. Maskat janë të detyrueshme. Ndërkohë, nisjet nga Shqipëria janë ende të kufizuara për personat që nuk janë të pajisur me leje qëndrimi apo pasaportë për destinacionet EU. Lejohen të udhëtojnë vetëm rezidentët në Bashkimin Europian dhe nënshtetasit EU. Situata ndryshon me orë, ndaj ju lutemi dhe për pak durim. Çdo njoftim të shtetit shqiptar në lidhje me çdo fluturim, do t’jua përcjellim menjëherë në faqet tona zyrtare. Ju faleminderit për bashkëpunimin!”, thuhet në njoftim.